ក្រុមហ៊ុន មូលបត្រ ភីភី លីង រៀបចំដំណើរទស្សនកិច្ច ពង្រឹងទំនុកចិត្ត និងកិច្ចសហប្រតិបត្តិការរយៈពេលវែងជាមួយដៃគូ

កាលពីថ្ងៃទី ១១ ខែមេសា ឆ្នាំ ២០២៦ កន្លងទៅនេះ ក្រុមហ៊ុនមូលបត្រ ភីភី លីង បានរៀបចំដំណើរទស្សនកិច្ចទៅកាន់ Plantation Resort & Spa ក្នុងគោលបំណងពង្រឹងទំនាក់ទំនង កសាងទំនុកចិត្ត និងបង្កើនកិច្ចសហប្រតិបត្តិការរយៈពេលវែងជាមួយដៃគូពាណិជ្ជកម្ម។

ជំនួបនាឱកាសនេះ បានផ្តល់នូវបរិយាកាសយ៉ាងរីករាយ និងស្និទ្ធស្នាល សម្រាប់ក្រុមការងារ និងដៃគូ ក្នុងការជួបជុំ ពិភាក្សា ព្រមទាំងផ្លាស់ប្តូរទស្សនវិស័យអាជីវកម្មឱ្យកាន់តែស៊ីជម្រៅ។

ក្រុមហ៊ុន មូលបត្រ ភីភី លីង តែងតែជឿជាក់យ៉ាងមុតមាំថា ទំនុកចិត្ត ការយល់អធ្យាស័យគ្នា និងកិច្ចសហការដ៏ជិតស្និទ្ធ គឺជាគ្រឹះយ៉ាងសំខាន់ក្នុងការបង្កើតភាពជាដៃគូប្រកបដោយភាពរឹងមាំ និងនិរន្តរភាព ដើម្បីឆ្ពោះទៅកាន់ការរីកចម្រើនរួមគ្នានាពេលអនាគត។