ក្រុមហ៊ុនចែកចាយលក់មូលបត្រ

កាន់តែងាយស្រួល និងទទួលបានអត្ថប្រយោជន៍ខ្ពស់ជាងមុន សម្រាប់ការក្លាយជាម្ចាស់ភាគហ៊ុននៃក្រុមហ៊ុនចុះបញ្ជីនៅថ្ងៃអនាគត

ជាមួយសេវាកម្មចែកចាយលក់មូលបត្ររបស់យើង លោកអ្នកអាចកក់ទិញភាគហ៊ុននៅដំណាក់កាលដំបូងរបស់ក្រុមហ៊ុនណាមួយដែលនឹងចុះបញ្ជីនៅផ្សារមូលបត្រ ដោយមិនអស់កម្រៃជើងសា និងមិនមានភាពស្មុគស្មាញ។ ទាក់ទងកក់ចំនួនភាគហ៊ុនឥឡូវនេះ ដើម្បីបានអត្ថប្រយោជន៍ខ្ពស់

ជាមួយនឹងអាជ្ញាបណ្ណក្រុមហ៊ុនចែកចាយលក់មូលបត្ររបស់យើង ដែលត្រូវបានទទួលស្គាល់ដោយនិយ័តករមូលបត្រកម្ពុជា (ន.ម.ក) យើងអាចជួយលោកអ្នកក្នុងការបញ្ជាទិញភាគហ៊ុនទុកជាមុនរបស់ក្រុមហ៊ុនណាមួយដែលនឹងចុះបញ្ជីជាផ្លូវការនៅក្នុងផ្សារមូលបត្រកម្ពុជា (ផ.ម.ក)។

កាន់កាប់ភាគហ៊ុនរបស់ក្រុមហ៊ុនដែលមានសក្ដានុពលរីកចម្រើនខ្ពស់
ទទួលបានឱកាសចំណេញប្រាក់ ដោយសារតម្លៃភាគហ៊ុនភាគច្រើននៅផ្សារដំបូង មានតម្លៃថោកជាងតម្លៃនៅផ្សារបន្ទាប់
នៅវគ្គបើកនៃថ្ងៃជួញដូរដំបូង ភាគហ៊ុនត្រូវបានអនុញ្ញាតឱ្យមានការប្រែប្រួលក្នុងដែនកំណត់តម្លៃពី ៩០% ទៅ ១៥០% នៃតម្លៃផ្សារដំបូង ខណៈដែលតម្លៃជួញដូរប្រចាំថ្ងៃធម្មតាត្រូវបានកំណត់ក្នុងកម្រិតឡើងចុះត្រឹម ១០% ប៉ុណ្ណោះ។

តាមរយៈកិច្ចសហការជាមួយដៃគូដែលជាក្រុមហ៊ុនធានាទិញមូលបត្រ ក្រុមហ៊ុនមូលបត្រ ភីភី លីង អាចចែកចាយលក់ភាគហ៊ុនរបស់ក្រុមហ៊ុនដែលនឹងត្រូវចុះបញ្ជីជាផ្លូវការ ទៅកាន់វិនិយោគិនសក្តានុពលទាំងអស់នៅដំណាក់កាលលក់ភាគហ៊ុនលើកដំបូង ។