អំពីអាជ្ញាបណ្ណក្រុមហ៊ុនទីប្រឹក្សាហិរញ្ញវត្ថុ
វិសាលភាព និងមុខងាររបស់អាជ្ញាបណ្ណក្រុមហ៊ុនទីប្រឹក្សាហិរញ្ញវត្ថុនៅក្រុមហ៊ុនមូលបត្រ ភីភី លីង ដើរតួនាទីយ៉ាងសំខាន់ក្នុងការគាំទ្រផលប័ត្រហិរញ្ញវត្ថុសាជីវកម្ម ព្រមទាំងផ្ដល់ការប្រឹក្សាយោបល់ និងដំបូន្មានសម្រាប់ការរួមបញ្ចូលក្រុមហ៊ុននិងការទិញយកក្រុមហ៊ុន ការបង្កើនដើមទុន និងការវាយតម្លៃអាជីវកម្ម។
ដើម្បីជាជំនួយដល់ការអភិវឌ្ឍទីផ្សារមូលបត្រនៅកម្ពុជា ក្រុមហ៊ុនបោះផ្សាយ ត្រូវបានគាំទ្រយ៉ាងពេញទំហឹងជាមួយនឹងសេវាប្រឹក្សាដែលពាក់ព័ន្ធក្នុងដំណើរការចុះបញ្ជី។ ដោយមានប្រវត្តិ និងបទពិសោធន៍លំដាប់ថ្នាក់អន្តរជាតិ ក្រុមហ៊ុនមូលបត្រ ភីភី លីង បានត្រៀមខ្លួនរួចជាស្រេចក្នុងការផ្តល់ជូនក្រុមហ៊ុនសាជីវកម្ម ឬសហគ្រាសនានា នូវការប្រឹក្សាយោបល់ដ៏ល្អបំផុត ចាប់តាំងពីមុនពេលចាប់ផ្ដើម អំឡុងពេលនៃការរៀបចំ និងបន្ទាប់ពីការបោះផ្សាយលក់មូលបត្រជាសាធារណៈជាលើកដំបូង។
ប្រវត្ដិរបស់ក្រុមហ៊ុន
ក្រុមហ៊ុនមូលបត្រ ភីភី លីង គឺជាក្រុមហ៊ុនហិរញ្ញវត្ថុឈានមុខគេ ដែលត្រូវបានទទួលស្គាល់ដោយនិយ័តករមូលបត្រកម្ពុជា (ន.ម.ក)។ ដោយមានជំនាញទាំងលើទីផ្សារឧបករណ៍និស្សន្ទ និងទីផ្សារមូលបត្រ ក្រុមហ៊ុនមូលបត្រ ភីភី លីង អាចជួយវិនិយោគិនធ្វើពិពិធកម្មផលប័ត្រវិនិយោគទៅក្នុងទីផ្សារទាំងពីរនេះយ៉ាងមានប្រសិទ្ធភាព។
បទពិសោធន៍ និងជំនាញវិជ្ជាជីវៈរបស់យើងនៅក្នុងទីផ្សារហិរញ្ញវត្ថុអន្តរជាតិ គ្របដណ្ដប់ក្នុងតំបន់អាស៊ាន មជ្ឈឹមបូព៌ា និងប្រទេសនៅទ្វីបអឺរ៉ុប។ លើសពីនេះទៅទៀត យើងមានប្រវត្តិរឹងមាំនិងច្បាស់លាស់ ក្នុងការចូលប្រើមូលធនសកល និងវិភាគទីផ្សារមូលធន។ អ្វីដែលសំខាន់បំផុតនោះគឺ ក្រុមប្រឹក្សាហិរញ្ញវត្ថុដ៏ជំនាញរបស់យើង ត្រូវបានទទួលស្គាល់គុណវុឌ្ឍិដោយ ន.ម.ក និងអាចផ្តល់ជូនលោកអ្នកនូវសេវាកម្មប្រកបដោយវិជ្ជាជីវៈ និងស្តង់ដារអន្ដរជាតិ។