ការជួញដូរមូលបត្រ

​វិធាន​ជួញ​ដូរ

*​លេខ​អត្តសញ្ញាណ​វិនិ​យោគិន​ត្រូវ​បាន​អនុម័ត​ដោយ​និយ័ត​ករ​មូលបត្រ​កម្ពុជា​ (ន.ម.ក)៖​

វិនិ​យោគិន​ត្រូវ​ដាក់ពាក្យ​ស្នើសុំ​លេខ​អត្តសញ្ញាណ​វិនិយោគិន​ដោយ​ផ្ទាល់​ទៅកាន់​និយ័ត​ករ​មូលបត្រ​កម្ពុជា​ (​ន​.​ម​.​ក​) ​ឬ​ ​តាមរយៈ​ក្រុមហ៊ុនមូលបត្រ ភីភី លីង ​មុននឹង​បើក​គណនី​ជួញ​ដូរ​មូលបត្រ​។​ ​ឯកសារ​ចាំបាច់​សម្រាប់​ការ​ស្នើសុំ​អត្តសញ្ញាណ​វិនិ​យោគិន​ ​មាន​ដូច​ខាងក្រោម​៖​

• អត្តសញ្ញាណប័ណ្ណ​សញ្ជាតិ​ខ្មែរ​ថត​ចម្លង​មួយ​ច្បាប់​ ​ឬ​លិខិតឆ្លងដែន​ដែល​មាន​សុពលភាព​សម្រាប់​ជនបរទេស​
• រូបថត​ ​១​ ​សន្លឹក​ ​សម្រាប់​បុគ្គល​ដែល​មាន​សិទ្ធិ​ (​ទំហំ​រូបថត​ដូច​លិខិតឆ្លងដែន​)

​កាលវិភាគ​ជួញ​ដូរ​

​នៅ​ផ្សារ​មូលបត្រ​កម្ពុជា​ ​និង​ក្រុមហ៊ុនមូលបត្រ ភីភី លីង ​ភាគ​ហ៊ុន​ទាំងអស់​អាច​ត្រូវ​បាន​ជួញ​ដូរ​ចាប់ពី​ថ្ងៃចន្ទ​ ​ដល់​ថ្ងៃសុក្រ​ ​លើកលែង​ថ្ងៃឈប់​សម្រាក​ជា​សាធារណៈ។​
​វគ្គ​ជួញ​ដូរ​របស់យើង​ដែល​ចាប់ផ្តើម​ពី​ម៉ោង ៨ ព្រឹក ដល់ម៉ោង ៣ រសៀល មាន​ដូច​ខាងក្រោម​៖​

• ចាប់ពី​ម៉ោង​ ​៨:០០​ ​ព្រឹក​ ​ដល់ម៉ោង​ ​៩​:​០​០​ ​ព្រឹក​ ​រាល់​ប្រតិបត្តិការ​ទាំងអស់​ត្រូវ​បាន​ជួញ​ដូរ​តាមវិធី​សា​ស្រ្ត​ដេញថ្លៃ​ដោយ​យក​ថ្លៃ​តែមួយ​ ​និង​ត្រូវ​បាន​អនុវត្ត​នៅ​ម៉ោង​ ​៩:០០​ ​ព្រឹក។​
• ​ចាប់ពី​ម៉ោង​ ​៩:០០​ ​ព្រឹក​ ​ដល់ម៉ោង​ ​២:៥០​ ​រសៀល​ ​រាល់​ប្រតិបត្តិការ​ទាំងអស់​ត្រូវ​បាន​ជួញ​ដូរ​តាមវិធី​សា​ស្រ្ត​ដេញថ្លៃ​ដោយ​យក​ថ្លៃ​ច្រើន​ ​ហើយ​ត្រូវ​បាន​ផ្គូផ្គង​ភ្លាម​ៗ។​
• ​ចាប់ពី​ម៉ោង​ ​២:៥០​ ​រសៀល​ ​ដល់ម៉ោង​ ​៣:០០​ ​រសៀល​ ​រាល់​ប្រតិបត្តិការ​ទាំងអស់​ត្រូវ​បាន​ជួញ​ដូរ​តាមវិធី​សា​ស្រ្ត​ដេញថ្លៃ​ដោយ​យក​ថ្លៃ​តែមួយ​ ​និង​ត្រូវ​បាន​អនុវត្ត​នៅ​ម៉ោង​ ​៣:០០​ ​រសៀល។​