យើងផ្តល់ជូនគ្រប់យ៉ាងដែលលោកអ្នកត្រូវការ!
ជាមួយនឹងការប្តេជ្ញាចិត្តជួយឱ្យលោកអ្នកក្លាយជាម្ចាស់ភាគហ៊ុនរបស់ក្រុមហ៊ុននានាដែលបានចុះបញ្ជីនៅផ្សារមូលបត្រកម្ពុជា យើងត្រៀមខ្លួនរួចជាស្រេចក្នុងការផ្តល់ជូននូវអ្វីដែលអ្នកត្រូវការ ដើម្បីសម្រេចបាននូវគោលដៅនេះ។ ស្វែងយល់ពីសេវាកម្មរបស់យើងដើម្បីដឹងថាមានភាពងាយស្រួល និងភាពទូលំទូលាយប៉ុណ្ណា។
ក្រុមហ៊ុនមូលបត្រ ភីភី លីង មានបំណងជួយឱ្យការគ្រប់គ្រងទុនវិនិយោគរបស់លោកអ្នកកាន់តែមានភាពល្អប្រសើរ តាមរយៈសេវាកម្មដ៏ល្អឥតខ្ចោះរបស់យើង សម្រាប់វិនិយោគិនជារូបវន្តបុគ្គល ក៏ដូចជាសម្រាប់វិនិយោគិនជានីតិបុគ្គលផងដែរ។ សេវាកម្មក្រុមហ៊ុនឈ្មួញជើងសាមូលបត្ររបស់យើងគ្របដណ្ដប់លើ៖
ការបើកគណនីនៅក្រុមហ៊ុនផ្ទាល់ និងតាមអនឡាញ
ទាំងវិនិយោគិនក្នុងស្រុក និងវិនិយោគិនបរទេស អាចទាក់ទងភ្នាក់ងារឈ្មួញជើងសាមូលបត្ររបស់ក្រុមហ៊ុនមូលបត្រ ភីភី លីង ដើម្បីបើកគណនីជួញដូរមូលបត្របាន។ សេវាកម្មផ្ទាល់នៅក្រុមហ៊ុនរបស់យើង អនុញ្ញាតឱ្យវិនិយោគិនមកទីស្នាក់ការកណ្ដាលរបស់យើង ដែលមានអាសយដ្ឋាន អគារហ្គោលដិនថាវវើរ ជាន់ទី៥ ផ្លូវ២១៥ សង្កាត់វាលវង់ ខណ្ឌ៧មករា រាជធានីភ្នំពេញ។ សម្រាប់សេវាកម្មតាមអនឡាញ វិនិយោគិនអាចបើកគណនីជួញដូរមូលបត្របានគ្រប់ពេលវេលា និងគ្រប់ទីកន្លែងតាមរយៈគេហទំព័ររបស់យើង។
ការដាក់ពាក្យស្នើសុំលេខអត្ដសញ្ញាណវិនិយោគិន
វិនិយោគិនត្រូវបានតម្រូវឱ្យដាក់ពាក្យស្នើសុំលេខអត្តសញ្ញាណវិនិយោគិនពីនិយ័តករមូលបត្រកម្ពុជា ឬទាក់ទងមកកាន់ក្រុមហ៊ុនមូលបត្រ ភីភី លីង ដើម្បីទទួលបានសេវាកម្មដាក់ពាក្យស្នើសុំលេខអត្ដសញ្ញាណវិនិយោគិនពីនិយ័តករមូលបត្រកម្ពុជា ដោយរលូននិងតាំងពីការចាប់ផ្ដើមរហូតដល់ការបញ្ចប់។
សេវាកម្មជួញដូរតាមប្រព័ន្ធអនឡាញ
ក្នុងនាមជាសមាជិកនៃផ្សារមូលបត្រកម្ពុជា យើងភ្ជាប់វិនិយោគិនទៅនឹងប្រភពនៃផ្សារមូលបត្រ ដោយវិនិយោគិនអាចប្រើប្រាស់ទុនវិនិយោគ និងបច្ចេកទេសប្រកបដោយប្រសិទ្ធភាព ដើម្បីទទួលបានផលចំណេញអតិបរិមាពីទីផ្សារនេះ។
តម្លៃភាគហ៊ុននៅពេលវេលាជាក់ស្តែង
សម្រង់តម្លៃភាគហ៊ុនក្នុងពេលវេលាជាក់ស្តែង ត្រូវបានផ្តល់ជូនជាពិសេសសម្រាប់វិនិយោគិនដែលបើកគណនីជួញដូរ។ លើសពីនេះទៅទៀត វិនិយោគិនអាចចូលមើលព័ត៌មានទីផ្សារយ៉ាងងាយស្រួល រួមបញ្ចូលទាំងឯកសារបង្ហាញព័ត៌មាន ប្រវត្តិតម្លៃ ប្រវត្ដិសន្ទស្សន៍ និងព័ត៌មានអំពីភាគហ៊ុនពាក់ព័ន្ធ តាមរយៈគណនីវិនិយោគិនផ្ទាល់។