ក្រុមហ៊ុន ខេម ជ្ជីអេសអេម ម.ក

ក្រុមហ៊ុន ខេម ជ្ជីអេសអេម (និមិត្ដសញ្ញាចុះបញ្ជី៖ CGSM) និងក្រុមហ៊ុនបុត្រសម្ព័ន្ធរបស់ខ្លួន (រួមទាំងសែលកាត) គឺជាក្រុមហ៊ុនដែលបានបង្កើតឡើងក្រោមច្បាប់ស្តីអំពីការវិនិយោគបរទេសនៅក្នុងព្រះរាជាណាចក្រកម្ពុជា។ ក្រុមហ៊ុនត្រូវបានបង្កើតនៅថ្ងៃទី២០ ខែមេសា ឆ្នាំ១៩៩៦។ ក្រុមហ៊ុនត្រូវបានកាន់កាប់ទាំងស្រុងដោយក្រុមហ៊ុន រ៉ូយ៉ាល់ មីលីខម ដែលមានទីតាំងស្ថិតនៅអគារលេខ ២៤៦ មហាវិថីព្រះមុនីរង្ស រាជធានីភ្នំពេញ។

សកម្មភាពចម្បងរបស់ក្រុមហ៊ុន រួមមាន៖ ក). ដំឡើង និងប្រតិបត្តិលើបរិក្ខារ និងម៉ាស៊ីនទាំងអស់ដែលប្រើប្រាស់ការតភ្ជាប់ជាមួយនឹងប្រតិបត្តិការបណ្តាញទូរស័ព្ទចល័ត នៅទូទាំងប្រទេសកម្ពុជា និងរាល់ផលិតផលទាំងអស់ដែលជាផ្នែកបំពេញបន្ថែម ឬជាផ្នែកនៃគ្រឿងបរិក្ខារទាំងនោះ និង ខ).ធ្វើទីផ្សារ និងលក់ផលិតផល និង/ឬសេវាកម្មទូរគមនាគមន៍របស់ខេម ជ្ជីអេសអេម នានា។

ចក្ខុវិស័យ

ក្រុមហ៊ុន ខេម ជ្ជីអេសអេម ប្តេជ្ញាផ្តល់នូវគុណតម្លៃរយៈពេលវែងដល់អតិថិជនរបស់ខ្លួន ដោយផ្តោតលើបរិបទថ្មី ជាមួយគុណភាពបណ្តាញនិងដំណើរការ ការច្នៃប្រឌិត និងសេវាកម្មល្អឥតខ្ចោះ។

បេសកកម្ម

ក្រុមហ៊ុន ខេម ជ្ជីអេសអេម បន្តពង្រីកដើម្បីសម្របសម្រួល និងអភិវឌ្ឍសហគមន៍កីឡា និងហ្គេមអេឡិចត្រូនិក ផ្តល់សេវាកម្មកម្សាន្តបែបឌីជីថលដើម្បីឆ្លើយតបទៅនឹងតម្រូវការផ្សព្វផ្សាយផ្ទាល់ និងផ្ដល់ជូននូវដំណោះស្រាយសម្រាប់សហគ្រាសប្រកបដោយភាពច្នៃប្រឌិត និងការយល់ដឹងខ្ពស់។