ក្រុមហ៊ុន ម៉េងលី ជេ. គួច អេឌ្យូខេសិន ម.ក

ការសង្ខេបអំពីក្រុមហ៊ុន

ក្រុមហ៊ុន ម៉េងលី ជេ.​ គួច អេឌ្យូខេសិន (និមិត្ដសញ្ញាចុះបញ្ជី៖ ​MJQE) ត្រូវបានបង្កើតឡើង ជាក្រុមហ៊ុនឯកជនទទួលខុសត្រូវមានកម្រិត ក្រោមច្បាប់ស្តីពីសហគ្រាសពាណិជ្ជកម្មនៃព្រះរាជាណាចក្រកម្ពុជា។ បច្ចុប្បន្ន ក្រុមហ៊ុន ម៉េងលី ជេ. គួច អេឌ្យូខេសិន គឺជាគ្រឹះស្ថានអប់រំឯកជនឈានមុខគេមួយនៅ កម្ពុជា និងចូលរួមចំណែកយ៉ាងសំខាន់ក្នុងការផ្តល់សេវាអប់រំដ៏ទូលំទូលាយ ពីថ្នាក់ក្រោមមត្តេយ្យសិក្សា ដល់ថ្នាក់ទី១២ នៅសាលារៀន អន្តរទ្វីប អាមេរិកាំង (AIS) និងផ្នែកភាសា (ភាសាអង់គ្លេស ភាសាចិន និងភាសាថៃ) ការបណ្តុះបណ្តាលឯកទេស និងការបណ្តុះបណ្តាលគរុកោសល្យគ្រូបង្រៀននៅមជ្ឈមណ្ឌលភាសា អេ អាយ អាយ (AII)។

ក្រុមហ៊ុន ម៉េងលី ជេ. គួច អេឌ្យូខេសិន ក៏ផ្តល់នូវសេវាកម្មក្នុងការនាំសិស្សទៅសិក្សានៅក្រៅប្រទេសតាមរយ:កម្មវិធី SOGO និងកម្មវិធីសិក្សាអនឡាញ i-Learn។ ក្រុមហ៊ុនផ្តោតលើការអប់រំប្រកបដោយគុណភាព សេវាកម្មស្តង់ដារខ្ពស់ និងបរិក្ខាសិក្សាបង្រៀនទំនើបៗ។ លើសពីនេះទៅទៀត កេរ្តិ៍ឈ្មោះដ៏យូរអង្វែងរបស់ក្រុមហ៊ុន ម៉េងលី ជេ. គួច អេឌ្យូខេសិន គឺជាចំណុចខ្លាំងមួយដែលអាចកំណត់ឱ្យក្រុមហ៊ុនឈរលើទីតាំងមួយដែលដាច់ចេញពីគូប្រកួតប្រជែងរបស់ខ្លួន។

ចក្ខុវិស័យ

គោលដៅចម្បងរបស់ក្រុមហ៊ុន ម៉េងលី ជេ. គួច អេឌ្យូខេសិន  គឺការផ្តល់តម្លៃខ្ពស់ដល់វិស័យអប់រំនៅកម្ពុជា ដោយយល់ឃើញថា ការអប់រំគឺជាកូនសោ ដែលអាចផ្លាស់ប្តូរភាពងងឹតទៅជាពន្លឺ ភាពលំបាកទៅជាភាពងាយស្រួល និងភាពក្រីក្រទៅជាវិបុលភាព។

បេសកកម្ម

ក្រុមហ៊ុន ម៉េងលី ជេ. គួច អេឌ្យូខេសិន   អប់រំសាធារណៈជនកម្ពុជាតាមរយៈការបង្រៀនប្រកបដោយគុណភាព រួមជាមួយនឹងបរិក្ខារសិក្សាទំនើបៗ បច្ចេកវិទ្យាចុងក្រោយបំផុត និងសកម្មភាពបង្រៀនប្រកបដោយភាពច្នៃប្រឌិត ដើម្បីបង្កើនបទពិសោធន៍សិក្សារបស់សិស្ស។